نظرية الإنشغال اللانهائى
بعد السلام عليكم....كل عيد وانتم بخير
كنت أفتقد التدوين...المدونيين...التعليق..المدونات ...أعتذر لكم ولي
خلصت الليسانس السنة دى..الحمد لله..كان متهيأ لى ان لما هخلص هرتاح..لكن اتضحت ليا نظرية غريبة جدا واكتشفت النظرية الغريبة دى خلال الكام شهر دول ..النظرية دى اسمها نظرية الإنشغال اللانهائى...والنظرية دى نظرية علمية ..ومنطقية كمان.ملخص اللى انا اكتشفته ان البنى ادم مش هيفضى ابدا ابدا وهيفضل طول عمره مشغول..حتى لو مبيعملش اى حاجه فهو مشغول برضه..وانا اللى كنت فاكر انى لما هخلص هفضى بقى شوية..لكن للأسف..حتى لو مبعملش حاجه انا مشغول برضه...وده فى نظرى سبب وجيه لتفشى الأمراض النفسية بين البنى ادمين..بسبب انهم مبيعملوش اى حاجه ومع ذلك بيشعروا انهم مشغولين دائما
---------------------------------------------------------------------------------------
أعذرونى اليومين دول..بقدم لدراسة دبلومة فى القانون الدولى العام...وبخلص ورق..وانتوا عارفين الورق..يعنى دمغات..تصدقوا ان انا اشتريت من كام اسبوع 12دمغة كل واحده بنص جنيه لشهاده...علشان كان عايز دمغتين..كل واحده منهم بتلاته جنيه.ومكنش فيه للأسف اللى بتلاته فجبت 12
ياسلام كده لو ياخد 30 جنيه مع نفسه كده يجيب دمغات وبالباقى اى حاجه ويريحنى..لكن هعمل ايه..ماعلينا
---------------------------------------------------------------------------------------
على العموم ايام قليلة جدا وراجع بإن الله..هلزق الدمغات وهاجى...اووه ه ه..قصدى هخلص ورقى وهاجى
أشكركم لحسن استماعكم...وبجد وحشتونىىىىىىىىىىىىىىىىىىىىىىىىىى جدااااااااااا
posted by مدونة كسبان @ 3:29 PM
18 Comments:
السلام عليكم
الواحد كان فاكر فعلا انه لما يخلص الكليه حيكون فاضي وكده بس للاسف حصل العكس تماماوالواحد يقول يراريته يرجع الكلية تانيه
والانشغال يجي بقي عن طريق انك تقعد تتدور علي شغل وتروح في ددوامة الحياة اللي مش بتخلص
كسبان حمد لله على السلامه
وربنا يوفقك فى دراستك وتلزق الدمغات وتستريح بقى منها
وميكونش فى دمغات تانى وشغل روتين بقى
والانشغال ده شئ اساسى فى حياتنا انا برضو افتكرت ان لما اخلص يبقى انام واقوم برحتى لكن طلع لالالالالالالالا
طلع انى لازم اشوف شغل واشتغل زى البنى ادمين
يلا ربنا معاك ويوفقك
وفين زياراتك لمدونتى ؟
سلام
و أنت و حششششششششششتنا جدا و مستنيييينك جدا جدا
مبروك انك خلصت دراستك
وعقبال ماتخلص لزق الدمغات
وان شاء الله تشتغل
وتحقق طموخاتك
عارف الواحد المشغول
بيكون نفسيته احسن
لانه مش فاضى يفكر فى المشاكل
لكن الفراغ هو اللى بيتعب نفسيا
بس ده لما يكون مشغول بجد
مش فاضى وعامل مشغول
اسلوبك جميل
تحياتى لك
حمدلله علي سلامتك و ربنا يوفقك في الدراسات العليا و تحقق اعلي المراكز
كل عام وحضرتك بالف صحة وسلامة
كيف حالك
والله وحشتنا
مبروك لانتهائك من دراستك وعقبال الدكتوراة باذن الله
والعمل لة متعتة بردة
ويارب تكون بافضل حال دايما وترجع للتدوين بكل قوة تانى
تحياتى
أنا كمان يا كسبان كنت فاكرة زيك كدة انى لما اخلص حرتاح
بس الموضوع طلع غير ما كنت اتوقع
احساس بالفراغ والملل ده غير ان أهلى كمان محسسنى انى مش طبيعية علشان بنام للظهر وبسهر قدام الكومبيوتر ده طبعا غير المشاكل المستمرة بسبب الموضوع ده
فقررت كمان انى اقدم فى الدراسات العليا لمجرد انى ارجع اروح الجامعة تانى
وبردو اخدت شهر رمضان كلو فى تلزيق الدمغات
ربنا يوفقك يارب ويوفقنا جميعا
ممكن أستغل المساحه دى واعمل اعلان صغير
16 نوفمبريا جماعه..مستنياكو يوم الجمعه الجايه الساعه 8 م..قاعة الحمكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب
يااااااااااااه اخيرا حمد الله ع السلامة و مبروك ع الليسانس
مش عارفة ازغرد و النبى
المشاكل بتاعة الحياة العملية حتتحل كلها ان شاء الله توكل على انت بس و ربنا مش حيخذلك
ما تغبش كده تانى
نفس اللي حصل معايا
و انا رايح الشغل الصبح و اشوف طلبة الجامعه بقول ياريتني ارجع طالب جامعي تاني
كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا
انت فين يا نجم
طمني على الدبلومة
كسبان
مش ممكن
الف حمد الله على السلامه
انا كنت زعلانه بجد علبى قفل المدونه
ودلوقتى حمد الله على السلامه يالا عاوزين جديد بسرعه
سمسم 2008
ان شاء الله ترجع للتدوين تانى
trga3 pel salama ISA
bs kont 3ayza as2alak 3ala el program ely kan 3ndak ely pyzapat 7agat fel blog, law momken tedeny el link w ana anaZlo :))
http://tamhed.blogspot.com
أحدث كتاب
وبعدين ف الانشغال اللا نهائي بتاعك ده بقى
بانتظارك :)
Post a Comment
Subscribe to Post Comments [Atom]
<< Home